ဆောင်းဦး ဝေသနာ

အပြင်မှာ လေရူးတိုက်လို့

ဒီဆောင်းဦးမှာ

သစ်ရွက်တွေ တဖျပ်ဖျပ်

ကြွေသံ ငါကြားတယ်...

အပြင်မှာရော အတွင်းမှာပါ

သိပ်သိပ် ချမ်းလို့

ငါ့အသည်းလည်း ခိုက်ခိုက်တုန်နေပြီ

ငါတင်းထားတဲ့ စိတ်ဓာတ်

ဒီဆောင်းဦးမှာ

အလွမ်းဒဏ်သင့်လို့

သစ်ရွက်ဟောင်းလို

ကြွေလုပြီ......

ဆင်ခြင်တတ်တဲ့ ငါ့အသိစိတ်သေးသေးလေး
ပျော်ရွှင်ခြင်းကင်းမဲ့လှတဲ့ အဝေးတစ်နေရာ
ဒီဆောင်းဦးမှာ ငါ့စိတ်တွေ
တစတစနှင့် အရှုံးဘက်ကို နဲ့နဲ့ယိုင်လာပြီ...

အားပေးဖော် ရှာမတွေ့တဲ့
ဆံပင်ဖြူတွေကြားမှာ
ယုံကြည်ချက် ပါးပါးလေး
မခိုင့်တခိုင် ဟိုယိုင်ဒီယိုင်
လမ်းစလေးမှုန်ဝါးဝါးပေမယ့်
နက်ဖြန် ဆိုတဲ့ အရာ
ပိုင်ဆိုင် သရွေ့တော့
ဘယ်သူမှ မသိတဲ့
ရင်ထဲကဝေသနာနဲ့
လက်ခုတ်သြဘာသံတွေ
တိတ်ဆိတ်တဲ့
ကံစီမံရာ
ဇာတ်ဆရာရဲ့ အလိုကျ
လှောင်ရီသံတွေကြားမှာ
လမ်းဘေးက အရူးတစ်ယောက်လို
ရက်စက်စွာ ငါ က လိုက်ဦးမယ်......

ဇက်ဗီလင်းတန်း