သူတို့ စိတ်ထား

လွန်ခဲ့တဲ့ တနင်္ဂနွေနေ့ကပါ။ ဆရာမက ပရိဘောဂတွေ လိုချင်သလားတဲ့....ပေးမလား.. လိုချင်တာပေါ့။ အလကားရမယ် ဆိုရင် ခြေမြန်လက်မြန် ယူတတ်တဲ့ ကျနော်။ အလကား ရတာလေ... မကြိုက်ရင်လည်း အမှိုက်ပစ်တဲ့ နေရာမှာ သွားပစ်ရုံပေါ့...ဘာပင်ပန်းတာ မှတ်လို့ ဟဲဟဲ။

ဆရာမက ဒါဆိုရင် စနေနေ့မှာ လာကြည့်ပေါ့။ ဆရာမ ဘယ်ကို လာကြည့်ရမလဲ။ ဆရာမက မင်းအိမ်နားမှာပါ..... အော်ခက်လိုက်တာ... ဒီနိုင်ငံမှာက ကိုယ့်အိမ်နီးနားချင်းတွေ တောင် မရင်းနှီးကြတာ။ ကိုယ့်အိမ်မှာနေ ကိုယ့်ထမင်းကိုစား ကိုယ့်အလုပ်ကိုလုပ် တစ်သက်လုံးပေါ့နော်။

အိမ်နီးနားချင်းတွေနဲ့ ခင်မင်ဘို့က မလွယ်ဘူး။ ခင်မင်ရင်းနှီးရင်တောင်မှ မနက်ညနေ အလုပ်သွား အလုပ်ပြန် လမ်းမှာဆုံဖြစ်ရင် ဟဲလိုး...နေကောင်းလား ဒီလောက်ပဲ ပြောဖြစ်တယ်။ လူတိုင်းက နာရီနဲ့ အလုပ်လုပ်တော့လည်း လေကြိုးရှည်ဖို့က အချိန်မရှိဘူး။

ကျနော်က ဆရာမနဲ့ ကျောင်းမှာ သိတာပါ.... ကျနော့်အိမ်နီးနားချင်းက ဆရာမရဲ့ မိတ်ဆွေ ဆိုတော့က အားလုံး ချိတ်ဆက်ကုန်တော့တာပေါ့။ သူတို့က အဝေးကို ပြောင်းရွှေ့ချင်လို့တဲ့။ ပရိဘောဂတွေ မသယ်နိုင်ကြဘူး။ သယ်ခနဲ့ အသစ်ဝယ်ရင် ကုန်ကျစရိတ်က မထူးလို့ပါ။ ထမင်းအိုး ကွဲလို့ ခွေးကံကောင်းတယ် ဆိုသလိုပေါ့....ကျနော် ကံကောင်းတော့တာပဲ ဟဲဟဲ......

သူတို့ပစ္စည်းတွေက အဟောင်းဆိုင်မှာ သွားပေးဖို့လည်း သူတို့နှမျောတယ်တဲ့။

ဒီလိုနဲ့ စနေနေ့မှာ သွားကြည့်တော့ ပရိဘောဂတွေက တကယ့်အကောင်းစားတွေပဲ။ ကျနော့မှာလည်း ရှိပါတယ်။ ဒါပေမယ့် ကျနော်က ဈေးပေါတဲ့ ဟာတွေဝယ်တော့ အသားကညံ့တာပေါ့။ အခုသူပေးမယ့် ပရိဘောဂတွေက သစ်သားစစ်စစ်တွေ။ အခုပေါက်ဈေးနံ့ အသစ်သွားဝယ်မယ်ဆိုရင် အနည်းဆုံး သောင်းဂဏန်းတော့ ပေးရမှာ သေချာတယ်။ အလကားရမယ် ဆိုတော့လည်း အေး ယူမယ် ယူမယ် ပြောတာပဲ။

ဒါနဲ့ သူက ဒီနေ့တော့ ကျနော် ခေါက်တုတ် ခေါက်ပြန် ကားမောင်း စရာရှိတယ် ...နောက်နေ့ တနင်္ဂနွေနေ့ ၁၀ နာရီမှာ အေးဆေး လာသယ်ပါတဲ့။ ကျနော်လည်း ပစ္စည်းတွေ သဘောကျတော့ မြန်မြန် အေးအေးးးး ပြောတာပဲ။

နောက်နေ့ တနင်္ဂနွေနေ့ ၁၀ နာရီ ကွက်တိ သွားတယ်... အိမ်ရှေ့ ခေါင်းတီးတယ်။ အိမ်ရှင် တံခါးလာဖွင့်ပေးတယ်... မင်္ဂလာ နံနက်ခင်းပါတဲ့ သူကနှုတ်ဆက်တယ် ကျနော်ကလည်း ပြန်နှုတ်ဆက်တယ်... အိမ်ရှင်က အထဲကို ကြွပါ ကြွပါတဲ့။
အထည်းကိုရောက်တော့ ဒီလောက်များတဲ့ ပရိဘောဂတွေ... သူသေချာ ဖုန်တွေ ညစ်ပတ်တံ့ ဟာတွေ အကုန်ဆေးတယ်။ ဖုန်တွေ သုတ်တယ်။ ကျနော်ရောက်တော့ အားလုံး ပြီးခါနီးပြီ စာအုပ်စင်တစ်ခုပဲ ကျန်တယ်။ ကျနော်က ပြောတယ် အိမ်ရောက်ရင် သုတ်ပါ့မယ် မလုပ်ပါနဲ့ ပြောတော့ သူက...ရတယ် ရပါတယ်တဲ့...........

သူက အကုန်လုပ်တယ် အိမ်ရောက်ရင် ဘာမှ ထပ်လုပ်စရာ မလိုဘူး။ဒီနေရာမှာ ကျနော့စိတ်ထားနဲ့ သူတို့ စိတ်ထား လုံးဝလုံးဝ ခြားနားလွန်းတယ်။

ဒီနေရာမှာ ကျနော်သာဆိုရင်...ဒီလောက်ကောင်းပြီး ဒီလောက်ဈေးကြီးတဲ့ ပစ္စည်းတွေ အလကားပေးတာပဲ.... ဖုန်လေးကတော့ အိမ်ရောက်ရင် သူ့ဟာသူ သုတ်ပါစေ..ဒီလိုလုပ်မှာ...ဒါငါ့ စိတ်ထဲရှိတဲ့ စိတ်ထား အမှန်ပဲ။

ဒါပေမယ့် သူတို့ဆီမှာတော့ ဒီလို မဟုတ်ဘူး။သူတို့ပေးတဲ့ ပစ္စည်း သန့်သန့် ရှင်းရှင်း လှလှပပ ပေးမှ သူတို့ကျေနပ်တာ။ သူတို့ဆီမှာ ဒီလို စိတ်ထားရှိတာကိုး။ကျနော် သဘောပေါက်လိုက်တယ်။ ကျနော့ စိတ်နဲ့ နှိုင်းယှဉ်ကြည့်တော့ ကျနော် ရှက်မိတယ်။

ကျနော်ကတော့ ပစ္စည်းတွေ အလကားရလာတာ ပျက်ချင်ပျက် မယ် လွှတ်ချင် လွှတ်ပစ်မယ်.... ဒါပေမယ့် သူတို့ဆီက ရလာတဲ့ စိတ်ဓာတ်လေးကိုတော့ ကျနော် မလိုက်လျှောက်နိုင်ရင်တောင်မှ ဘယ်တော့မှ မေ့မှာတော့ မဟုတ်ဘူး။

ကျနော့် စိတ်ထားနဲ့ သူတို့ စိတ်ထား လုံးဝ ခြားနားသောကြောင့် သူတို့ စိတ်ထားကို မချီးကျူးပဲ မနေနိုင်လို့ မရေးတတ်ပေးမယ့် ဒီပိုစ်လေးကို ကြိုးစားပြီးရေးလိုက်ပါတယ်။

အားလုံးကို ခင်မင်လျက်

ဇက်ဗီလင်းတန်း