အကြင်နာ

အကြင်နာ မင်းအမုန်းတွေ အညှိုးတွေ

ရပ်တန့်ရင် ရပ်လိုက်ပါလား

တကယ် ဆိုရင် လူ့ဘဝဟာ

တိုတောင်းလွန်းပါတယ်...

အကြင်နာ ရန်ဖြစ်တာ

ဘာအကျိုးမှမရှိဘူး

ဦးနှောက်မရှိတဲ့

လူတွေရဲ့လုပ်ရပ်ပါ

ထပ်ပြောမယ်

ရန်ဖြစ်တာ ဘာအကျိုးမှမရှိဘူး

မင်းအချိုးတွေ ပြင်သင့်တယ်

ပြင်ပါတော့ကွာ...အကြင်နာ။

အကြင်နာ

မင်းကြောင့် လမ်းပျောက်သူတွေ

မင်းကြောင့် ဘဝပျက်သူတွေ

များနေပြီ...

နင့်လမ်း...ငါ့လမ်း

မလျှောက်သင့်တော့ဘူး

နင်လား...ငါလား

ခေတ်နောက်ကျနေပြီ

အတွေးသစ် အမြင်သစ်

အချစ်သစ်နဲ့ နေရာသစ်မှာ

အသက်ရှင်သင့်ပြီ.....

အကြင်နာ ငယ်ငယ်တုန်းက

အမြဲရွက်ဆိုဖူးတဲ့ စာတိုလေး

**စည်းလုံးညီညာ အောင်ကြောင်းဖြာတဲ့**

ဒါမမှန်ဘူးလို့ မပြောသင့်တော့ဘူး...

အကြင်နာ

မင်းရဲ့ အမုန်းတွေ

မင်းရဲ့ အညှိုးတွေ

မင်းရဲ့ အတ္တတွေ

မင်းရဲ့ တပ်မက်မှုတွေ

မင်းရဲ့ တဖက်သတ်

ကိုယ်ကျိုးတွေ ရပ်တန့်

မယ်ဆိုရင် ငါ့မျက်ရည်တွေလည်း

ခန်းခြောက်နိုင်ပါတယ်.....

အကြင်နာ မင်းနဲ့ငါ့ကြောင့်

ကမ္ဘာမြေကြီးတောင် စိမ်းလန်း

စိုပြေ လှပသွားမှာကတော့

အမှန်ပါပဲ အကြင်နာ....

ငါ့စာတွေကြောင့် ကဗျာ ဆရာကြီးများ မျက်စိနောက်နေပြီလားမသိ။ ကျနော်ကဗျာချစ်တယ် ကဗျာမရေးတတ်ဘူး။ ကျနော်ရေးတဲ့ စာတိုလေးတွေ ကို ကဗျာမှာပဲ အားနာနာနဲ့ ထည့်လိုက်တယ်။ ဒီနေ့ကျနော့ မွေးနေ့ အမှတ်တရလေး ဖြစ်အောင် ကြိုးစားပြီး ရေးကြည့်တာပါ။ရွာမပြန်နိုင်တာ ၁၂ နှစ်ကျော်နေပြီ။ ပြန်ဖို့လည်း ခရီးမပေါက်သေးဘူး။ လူလည်း အိုနေပြီ ရွာလည်းလွမ်းနေသည်။ လာရောက်ဖတ်ရှု အားပေးသူများကို အထူးကျေးဇူးတင်ပါသည်။

ဇက်ဗီလင်းတန်း